2027-ம் ஆண்டு ஐபிஎல் தொடருக்கான வீரர்கள் ஏலம், கோவாவில் டிசம்பர் 16-ம் தேதி நடைபெறவுள்ளதாக 10 அணிகளுக்கும் இந்திய கிரிக்கெட் கட்டுப்பாட்டு வாரியம் (பிசிசிஐ) தகவல் தெரிவித்துள்ளது.
ஏலத்துக்கு முந்தைய விளக்கக் கூட்டம் டிசம்பர் 15-ம் தேதி நடைபெறவுள்ளது. தொடர்ந்து 3 ஏலங்கள் வெளிநாடுகளில் நடத்தப்பட்ட நிலையில், இம்முறை ஏலம் மீண்டும் இந்தியாவில் நடைபெறுகிறது.
ஏலத் தேதி மற்றும் விளக்கக் கூட்டம் குறித்த விவரங்களை பிசிசிஐ அணிகளுக்குத் தெரிவித்திருப்பதாக தகவல் வெளியாகியுள்ளது. இதன்படி, விளக்கக் கூட்டமும் வீரர்கள் ஏலமும் அடுத்தடுத்த நாட்களில் நடைபெறவுள்ளன.
முன்னதாக, செப்டம்பர் மாதம் பிடிஐயிடம் பேசிய ஐபிஎல் தலைவர் அருண் துமால், ஏலத்துக்கான இடமாக கோவா தேர்வு செய்யப்பட்டுள்ளதாகத் தெரிவித்திருந்தார்.
அப்போது டிசம்பர் 15 அல்லது 16-ம் தேதி ஏலம் நடைபெறக்கூடும் என்று அவர் குறிப்பிட்டிருந்தார். தற்போது கிடைத்துள்ள தகவலின்படி, டிசம்பர் 16-ம் தேதி இறுதி செய்யப்பட்டுள்ளது.
